事源3月9日我係寵物展APE攤檔訂了一包35L貓沙,叫佢送貨,當時佢係話7日
內有同事打比我CONFIRM幾時送貨
但係我等左5,6日,都係無人打比我
於是我自己打去cofirm啦
果次電話佢係comfirm我3月18日送貨既


但事後兩天,佢就打來話我訂果隻貨無晒,要我加錢轉第二隻
我心諗乜我訂左就唔係keep起貨比我架喇咩?
咁我都算,加錢就加錢,要轉第二隻,佢都話係18日送貨既


點知到左18日早上,佢係要果日先打黎同我講,連我加錢要果隻都無貨,果下
我真係火都黎埋,因為我係屋企就黎無,先同你訂貨者,仲話係速遞,要我等咁耐都無貨,咁我點算呀?
但係當時我上緊堂,唔得閒同佢嘈,於是我第二日先打去同佢理論


點知我果日19日打去,我問佢點解我訂左貨唔係應該留一包比我咩?點解會無貨,要我加錢都算。
佢既答案話太多訂單,做唔切喎,係都要我等到4月中先有貨(當時佢既態度係勁大聲咁鬧我)
我當然好興咁同佢嘈,我咪話佢,而家要我比埋錢,訂左貨,無貨比,仲要我等個半月先比到貨我,算咩速遞公司呀?
我一邊講,佢就一邊鬧我,當然係佢聽唔到我講咩,我又聽唔到佢講咩啦
之後佢仲要大大聲咁問我:"咁你而家想點!!" 呢d算咩服務態度呀?原來大公司就係咁做野
我咪話我只係想cancel張單,叫佢寄返支票比我,佢竟然話呢d要等佢supervisor返黎先得,咁我咪叫佢supervisor返黎打電話同我講,但佢就死撐話唔會知道super幾時返,無佢更表,亦唔會覆我電話!!!
我真係想講句,有無攪錯,而家我打黎問野,竟然同我講唔會覆我電話?
但我當時只係講左,今晚內一定要打比我,唔係我去投訴


個結果係,我等左3日,佢都無人打過比我
於是我係20號早上再打去問佢點解無人打過比我
個職員竟然大大聲話我無要求佢地覆電話比我,所以無人搵我....我o晒囉.....而家咩事呀...我無要求?
我都廢事同佢勞氣,只係問佢super今日幾時返,叫佢返左親自打比我,佢係答到我super6:00p返工架
個職員態度又係極串咁講:而家佢返左咪叫佢打比你囉!!!!"(我心諗,點解而家你又知super會幾時返,之前又唔知,唔覆我電話?而家仲要咁惡鬧個客)
我果時叫佢6:30p前打比我,點知果晚又係等到6:30都無人打黎
又係我自己打去,我今次直接打去搵super,我簡單地講左件事,個super咩交代都無,連基本同我講句唔好意思都無,只係問返我account資料,話寫返支票比我就算


我真係唔明,點解咁大間公司,成日賣廣告話佢點好點快
就連基本服務態度都無,竟然可以聲大夾惡黎鬧個客
訂左貨又唔係留貨比人,係咪我張單銀碼細,所以唔理我呢?呢個我唔知,我只係知完全無服務態度可言!!!!!

d間野咁既,樓主真係唔好彩,
不過我都唔會幫襯dd所謂[寵物速遞公司],
你將d個post轉去其他論壇,
唔好再等其他人受罪啦.

咁所有人以後都唔好幫襯佢啦...有乜可能咁樣對客人架
我用個間就唔錯..十四日外如果你發現籠物用品有咩問題都可以換...打個電話就會有人黎收..語氣都比較好...有分日夜送貨架...如果你有需要可以上lee個網睇睇:www.hkpete.com電話係24886606....
我自己都係幫襯lee間,兩個月我就叫貨一次架啦~
你叫一次貨就會有你個資料...所以好方便架..你可以試下^^

好采冇幫親

UM...
我不嬲都係幫襯開呢間,,
都有成2年架喇..
都未試過發生D咁GE事@@""
佢次次冇貨都會1早同我講..@@""